Samstarf félagsmiðstöðva og grunnskóla : „Það skiptir miklu máli að vera tilbúin í slaginn saman“

Félagsmiðstöð er staður þar sem börn og unglingar geta komið saman í frítíma sínum. Þar eru þeirra þarfir og hugmyndir í forgrunni og þau geta tekið þátt í fjölbreyttu starfi með jafnöldrum sínum í öruggu umhverfi. Í þessari ritgerð verður fjallað um félagsmiðstöðvar og þeirra uppruna á fræðilegan máta en einnig verður rýnt í samstarf þeirra við ýmsar stofnanir. Þar að auki verður fjallað um hugtakið opið æskulýðsstarf og hvernig er hægt að auka fagþekkingu á því sviði. Ritgerðin er byggð á eigindlegri rannsókn, þar sem viðtöl voru tekin við þrjá forstöðumenn í félagsmiðstöðvum. Markmiðið með rannsókninni var að fá innsýn í viðhorf og skoðanir þeirra á samstarfi félagsmiðstöðva við skóla og hvort staðsetning og aðstaða hafi áhrif á félagsmiðstöðvastarfið í heild sinni. Niðurstöðum rannsóknarinnar má skipta upp í fimm meginþemu en þau eru: ólík sjónarmið skólastjórnenda og kennara, mikilvægi félagsmiðstöðvastarfs, ávinningur samstarfs, hindranir, og staðsetning og aðstaða félagsmiðstöðvar. Niðurstöðurnar gefa til kynna að samstarf milli félagsmiðstöðva og grunnskóla skipti miklu máli þegar kemur að starfi félagsmiðstöðva. Viðhorf og reynsla forstöðumanna er þó misjöfn og niðurstöðurnar sýna að margir ávinningar eru af góðu samstarfi. Hægt er að nýta niðurstöður rannsóknarinnar til að varpa ljósi á ávinninga og hindranir samstarfs, og jafnframt að opna umræðuna um mikilvægi félagsmiðstöðvastarfs